Detaje të reja kanë dalë në dritë nga ekzekutimi mafioz i Kastriot Reçit ditën e djeshme në Rrëshen.
Sipas “Report Tv”, viktima është qëlluar me snajper, nga një distancë prej 150m.
Në momentin e vrases ai ishte i shoqëruar me njërin nga vëllezërit.
Pas vrasjes së vëllait të tij, Gaspër Reçit në Itali, Kastrioti i kishte kufizuar lëvizjet, për shkak të një atentati të mundshëm.
Autorët ndërkohë e kishin ruajtur prej kohësh dhe shfrytëzuan mundësinë për ta qëlluar me snajper në zemër.
Pak përpara se të vritej, Kastrioti kishte parkuar makinën dhe po futej brenda në lokal. Vëllai i tij ndërkohë kishte pak që kishte hyrë brenda.
Kamerat e sigurisë kanë fiksuar momentin kur autori është afruar pranë pallatit.
Ai ishte i veshur sportiv me të zeza, ndërsa mbante edhe një kapuç.
Policia ka gjetur snajperin dhe kapuçin, i cili është dërguar në laborator.
Gjithashtu janë pyetur edhe banorët e pallatit, të cilët janë shprehur se nuk kanë parë asnjë person të dyshmitë të ngjitej.
Deri më tani policia ka shoqëruar disa persona për t’i marrë në pyetje, por nuk ka ende një autor për krimin.
