Ditën e sotme banorët e “5 Majit”, Laprakës dhe të Paskuqanit kanë dalur në protestë përballë Bashkisë së Tiranës për të mbrojtur të drejtat e tyre, kundër shembjes së shtëpive të tyre në kuadër të projektit të “Unazës së Madhe”.
Pjesë e protestës është edhe nënë Liza, e cila tashmë është shëndrruar në simbolin e kauzës, por që pësoi një incident disa ditë më parë.
Kujtojmë se përgjatë protestës kundër rritjes së çmimeve, ishte e pranishme edhe nënë Liza, e cila tentoi të fliste por një grua i thotë se nuk janë në shesh për shtëpinë e saj, por për rritjen e çmimeve, duke e akuzuar atë për se i jep protestës ngjyra politike.
Në një prononcim për mediat nënë Liza sqaroi edhe incidentin kur u përzu para disa ditësh nga një grua, teksa mori fjalën në protestën para Kryeministrisë. E moshuara tha se gruaja në fjalë ishte punonjëse e bashkisë së Tiranës.
Gjithashtu nënë Liza tha se në protestë kishte dalë dhe ka dalë sot për të drejtën e saj.
“Sa kam filluar të flas ka ardhur Drita Arapi. Kam dal për hallet e mia për shtëpinë time dhe për çmimet po flisja. Unë e mora vesh shumë mirë se kush është. Unë nuk kisha dalë të kapesha me atë, por kam dal për shtëpinë time dhe hallet e mia, për fëmijët e mi që i kam rrugëve. Unë kërkova të flisja, por e mora vesh se kush ishte. Ajo ishte punonjëse e bashkisë. Unë kam dalë për të drejtën time, për hallin tim. Dua që kryetari i bashkisë të marrë masa, dhe të na strehojë. Njëherë erdhi tërmeti, njëherë korona. Por ne tërmet kemi shtetin tonë. S’ka bërë vaki që shteti të bëjë kështu me popullin e vetë, pse të rrimë rrugëve ne?! Mua mu shkatërrua shtëpia, gjithçka… Kam marrë një dhomë me qira, paguaj 150 mijë lekë. Nuk dua të firmos asgjë. Shteti duhet të japë lekët. Shteti ka për të bërë ndërtime dhe prish shtëpi, por nuk rrit pensionet. S’kam ku të jetoj, të jetoj në rrugë të madhe?! Futën në burg djalin tim, një nënë të 2 fëmijëve të vegjë! Shtëpia, grua, arma, nuk lëshohen kurrë. Ajo gruaja s’ka punë me mua, të zotnojë shtëpinë e vetë. Unë s’dua shtëpi sociale. Jam me të drejtën e Zotit”, tha e moshuara.
