Ibsen Elezi ka reaguar për herë të parë në lidhje me skualifikim e tij nga gara për kryetar të Partisë Demokratike. Në një lidhje të drejtpërdrejt në emisionin “Breaking”, ai u shpreh se e priste këtë vendim nga kryesia. Pasi sipas tij askush nuk mund të rriskoj që të përballet me të vërtetën. Ai ndër të tjera ka thënë se nuk e ka kërkuar mbështetjen e ish-kryeministrit Sali Berisha për të garuar.
“E kam pritur këtë në një përqindje të madhe, pasi askush nuk mund të rriskojë që të përballet me të vërteta. Nuk jam kandidat i mbetur në tentativë. Kam thënë që në PD duhet të futen pikëpamjet e djathta. Unë pas lajmeve për Berishën kam reaguar i pari dhe kam mbajtur qëndrim parimor. Askush nuk mund ta ndalojë PD-në, qoftë ish-kryeministri apo kryetari aktual i PD-së.
Nuk kam kërkuar mbështetjen e ish-kryeministrit për të garuar. Nuk kam garuar për vota, por për të arritur për të kuptuar se në çfarë shkalle e mendon kryesia që mund të kandidoj. Të di a kam përkrahje apo jo.”, është shprehur Ibsen Elezi.
I pyetur se si ju duket gara brenda PD-së, ai ka thënë se nuk është e kapur dhe se PD-ja duhet ttë ketë një reformim të plotë brenda strukturave të saj.
“Unë përderisa vij nga i njëjti propozim si Harxhi, kjo nuk është e kapur. PD duhet të ketë një reformim të plotë, e kjo vjen nga pikëpamje dhe këndvështrime të ndryshme nga Berisha.”, perfundoi Elezi.
