Ka përfunduar hetimi për këngëtaren Fjolla Morina e cila u kap në doganën e Morinës me dy armë zjarri brenda një prej çantave që kishtë në makinë.
Pritet që dosja e saj të kalojë për gjykim pasi të jenë mbledhur të gjitha provat, ndërkohë më parë Prokuroria ka vendosur që të pushojë çështjen edhe për dy personat që ndodheshin në makinë me Fjollën në momentin e arrestimit bisnesmenit Fisnik Syla dhe shoferit Fitim Muji, pasi nuk ka gjetur vepër penale të kryer nga ta.
Fjolla u arrestua më 18 shtator në pikën kufitare të Morinës pasi në makinën e saj “Audi” iu gjetën armë zjarri tip pistoletë me 23 fishekë. Më datë 23 ajo doli para gjykatës së Kukësi, ku pretendoi se ishte shtatzënë për t’i shpëtuar masës së sigurisë “arrest me burg”.
Kujtojmë se para pak ditësh Fjolla zyrtarizoi lidhjen e saj me bisznemenin Syla. Këngëtarja surprizoi ndjekësit me postimin në rrjetet sociale.Me një buqetë gjigante me trëndafila të kuq në formë zemre dhe shkronjën “F” të formuar me trëndafila të bardhë si dhe me një unazë të bukur diamanti, Fisnik Syla i ka propozuar për martesë Fjollës.
“Unë thashë Po! Dashuri”- shkruan Fjolla krahas postimeve, duke dhënë kështu lajmin e bukur se po i jep fund beqarisë.
