Gjatë ditës së sotme në qytetin e Beratit, konkretisht në Dimal, u gjet një trup i pajetë brenda një makine. Kjo ngjarje tronditi të gjithë banorët aty pranë zonës, teksa detaje të reja janë hedhur në dritë.
Mësohet se i ndjeri që u konstatua i pajetë në makinën e tij, është identifikuar si shtetasi Vangjel Naska, 63-vjeç. Pas hetimeve nga ana e policisë dhe këqyrjes paraprake të ekspertizës, mësohet se shtetasi Vangjel Naska ka konsumuar fotoksinë, pasi në trup nuk i janë konstatuar shenja dhune.
Dyshohet se shkak i këtij veprimi ekstrem që ka marrë i moshuari, të jetë bërë fakti se ai kishte shumë borxhe dhe kjo mund të ketë ndikuar në gjendjen e tij psikologjike duke bërë që të vrasë veten me fotoksinë. Vlen të theksohet se shtetasi në fjalë, tashmë i pajetë, ishte shpallur prej kohësh në kërkim nga Komisariati i Policisë Lushnjë, për largim nga banesa, pasi familjarët kanë bërë kallëzim për zhdukjen e tij më datë 21.12.2021.
Ndërkohë policia po vijon punën deri në zbardhjen e plotë të ngjarjes së rëndë, teksa,materialet i kaluan Prokurorisë së Rrethit Gjyqësor Berat, për veprime të mëtejshme. Kohët e fundit në vendin tonë janë rritur ndjeshëm rastet kur shtetas i japin fund jetës së tyre për probleme nga më të ndryshmet.
