Një aksident fatal ka ndodhur mbrëmjen e sotme në aksin rrugor Fier-Lushnjë, ku një grua, ende e paidentifikuar, ka humbur jetën.
Policia bëri të ditur se rreth orës 17:20, gruaja është gjetur e plagosur anës rrugës dhe është dërguar me urgjencë në spitalin rajonal të Fierit, ku fatkeqësisht nuk ka mundur të mbijetojë.
Dyshohet se gruaja është përplasur nga një automjet, drejtuesi i të cilit është larguar nga vendngjarja.
Grupi hetimor po punon për të identifikuar viktimën dhe për të zbuluar automjetin e përfshirë, ndërsa priten rezultatet e ekspertizës mjeko-ligjore për të hedhur më shumë dritë mbi ngjarjen.
