Efektivët e Operacionit Forca e Ligjit i kemi parë në pak raste që të kryejnë aksione sekuestrimi të pronave që dyshohet se janë vënë me financime të krimit të organizuar. E pavarësisht këtyre aksioneve, shumica e sekuestrimeve janë rrëzuar nga gjykata për shkak të shkeljeve ligjore.
Së fundmi, Qeveria ka përcaktuar një fond prej 40 milionë lekësh për funksionimin e strukturës së OFL-së.
Në rishikimin e buxhetit nga Ministria e Financave parashikohet fondi prej 40 milionë lekësh që do të mundësojë sigurimin e organikës së mjaftueshme për strukturën OFL-së, e cila ka në përbërje 87 efektivë.
Operacioni Forca e Ligjit u prezantua në muajin shkurt nga kryeministri Edi Rama si një strukturë që do të godiste fort krimin e organizuar në vend, por për momentin OFL është përqëndruar në dorëzimin e formularëve të pasurisë te personat e dënuar më parë për krime nga më të ndryshmet.
