Ditën e sotme Prokuroria e Krimeve të Rënda kërkoi konfiskimin e pasurisë së ish-gjyqtarit Shkëlqim miri. Ky i fundit është dënuar për korrupsion.
Kërkesa e Prokurorisë është depozituar në Gjykatë në zbatim të ligjit antimafia. Mësohet se seanca e parë në lidhje me këtë kërkesë do të zhvillohet në 11 shtator 2019.
Ka qenë prokurori Klodian Braho që ka këkrkuar konfiskimin e 174.810 euro, 1000 $ dhe 9.6 milion lekëve, në llogari të shtetit shqiptar.
Sipas Prokurorisë këto lekë duhe t’i kalojnë Agjensisë së Administrimit të Pasurive të Sekuestruara.
Shkëlqim Mirit iu gjetën në banesë rreth 300 mijë euro, të cilat dyshohen se janë fituar nga aferat korruptive të ish- gjyqtarit.
Gjyqtari Shkëlqim Miri liroi nga burgu të dënuarin për vrasje Gentjan Doda, kundrejt 20 mijë eurove. Në atë kohë ish-gjyqtari Miri deklaroi se milionat që iu gjetën në shtëpi ishin të të afërmve të tij, e ndërsa një pjesë të tyre, ai u justifikua se i kishte marrë borxh për kurimin e bashkëshortes së tij.
Gjatë kohës që qëndroi në burg, Miri kërkoi disa herë lirimin me kusht për shkak të komplikacioneve të tij shëndetësore.
