Redjan Rraja është arrestuar në cilësinë e të dyshuarit për atentatin në Durrës ndaj prokurorit Arjan Ndoja.
Në një komunikim për ‘Ora News’ deputeti socialist Rrahman Rraja, ka përgënjeshtruar lajmet e mediave, duke thënë se Redjan Rraja nuk është nipi i tij.
Më tej deputeti shtoi se në Nikël ka mbi 170 persona me mbiemrin Rraja.
Socialisti kërkoi që i arrestuari të përballet me drejtësinë dhe të marrë dënimin maksimal.
“Gjyshi i Redjanit me babain tim janë vëllezër prej babait. Ai është i afërm, në Nikël ne jemi mbi 170 persona që kemi një mbiemër Rraja, ku të gjithë kemi pasur një gjysh që e ka pasur emrin Ramazan. Kushdo që të jetë duhet të përballet me drejtësinë dhe të marrë dënimin më maksimal. Nuk kam asnjë njohje, Redjani më shumë ka qëndruar jashtë se në Shqipëri. Ka pasur një profesion dentist që ka punuar dhe kaq”, tha deputeti.
Redjan Rraja u arrestua në momentin kur po tentonte të kalonte kufirin.
Ai nuk ishte një person i panjohur për policinë.
I riu është dënuar më parë për fshehjen e provave për vrasjen e Elton Çiços, si dhe dyshohet se ka dhunuar Xhisiela Malokun.
