Më 19 shkurt me anë të një konference për mediat, presidenti Ilir Meta i bëri thirrje popullit që më 2 mars të dalë në bulevardin ”Dëshmorët e Kombit”, përpara Kryeministrisë për të lidhur besën për të shpartalluar atë që e quan grusht shteti.
Kjo thirrje e tij u shoqërua me reagime të shumta nga mazhoranca, por jo vetëm.
“Meta ka vrarë dhe do të destabilizojë vendin që të shpëtojë veten”, gazetari bën deklaratën e fortë
Kryedemokrati Lulzim Basha të nesërmen realizoi një takim me presidentin, duke dalë në mbështetje të tij.
Së fundmi, teksa na ndajnë edhe 2 ditë nga manifestimi i thirrur nga kreu i shtetit, Ambasada e SHBA me anë të një deklarate për mediat u ka bërë thirrje qytetarëve amerikanë në Shqipëri që ta shmangin manifestimin.
Në njoftim thuhet se në protestat e mëparshme ka patur dhunë prandaj u bën thirrje që të qëndrojnë sa më larg e të ndjekin mediat të cilat pasqyrojnë atë çfarë ndodh.
“Vendndodhja: Pikat e grumbullimit të shpallura përfshijnë, por nuk kufizohen vetëm në këto zona në Tiranë, Shqipëri: Bulevardi Deshmoret e Kombit. Ngjarja: Një tubim politik pritet të zhvillohet në 2 Mars 2020 duke filluar rreth orës 5:00 pasdite Kohëzgjatja e tubimit të pritshëm nuk dihet. Demonstratat e kaluara kanë përfshirë dhunën. Forcat e sigurisë kanë përdorur topa uji dhe gaz lotsjellës për të shpërndarë turmat.
Personeli i Ambasadës amerikane dhe anëtarët e familjes janë drejtuar për të shmangur zonën ku janë mbledhur demonstruesit. Veprimet për të ndërmarrë: Shmangni vendet e mundshme të protestës përfshirë Bulevardin Kombëtar. Monitoroni median lokale për azhurnime. Jini të vetëdijshëm për rrethinën tuaj. Mbani një profil të ulët“, shkruan ambasada e SHBA.
Vetë presidenti ka deklaruar se do jetë një manifestim paqësor dhe nuk do përdoret dhunë.
Kujtojmë se Meta ka paditur në SPAK, ministren Etilda Gjonaj, të cilën e akuzon për falsifikim të protokollit të Ministrisë së Drejtësisë.
