Marrëdhëniet Shqipëri-Greqi nuk janë në ditët e tyre më të mira dhe kjo vërtetohet sidomos nga deklarata e fundit që kryeministri grek, Alexis Tsipras ka bërë.
“Marrëveshja që bëmë me Maqedoninë e Veriut duhet të inkurajojë vendet e BE-së që t’i japin një datë për procesin e anëtarësimit . Do të isha i lumtur nëse mund të them të njëjtën gjë për Shqipërinë, por kohët e kemi parë disa zhvillime që nuk na kënaqin”, ka qenë fjalë e tij gjatë samitit të liderëve të të Greqisë, Bullgarisë Serbisë dhe Rumanisë.
Sipas tij ka një zhvillim negativ në lidhje me minoritetin grek në vendin tonë, gjë që sipas tij, nëse vërtetohen si dyshime, atëherë marrëdhëniet mes dy vendeve do të jenë akoma më negative.
Problematika që ngre Tsipras lidhet me “vjedhjen e tokave” të minoritarëve në jug të vendit, për të cilën është bërë edhe një reportazh nga prestigjiozja “Al Jazeera”. Për këtë çështje kanë shkruar edhe shumë media greke të cilat nuk kanë nguruar të thonë se mund të ketë një veto edhe për çeljen e negociatave për Shqipërinë, si me rastin e Maqedonisë së Veriut.
