Kryeministri Edi Rama njoftoi në konferencën e tij për fundvitin se Presidenti i zgjedhur i SHBA-së, Donald Trump, do të vizitojë Tiranën në vitin 2027.
Ai theksoi se ky është një moment i rëndësishëm për vendin, duke treguar se Shqipëria ka fituar një tjetër “emër” në sytë e Europës, rezultat i një pune të jashtëzakonshme në të gjitha drejtimet.
Rama përmendi gjithashtu faktin se samiti i NATO-s, që do të zhvillohet në Tiranë në vitin 2027, do të ketë pjesëmarrjen e Presidentit Trump.
Ai nënvizoi se puna me NATO-n ka nisur që tani, duke përfshirë një ekip vlerësimi për infrastrukturën, që ka mbërritur në Tiranë dhe ka vlerësuar përgatitjen e qytetit.
Kryeministri theksoi se këto arritje, të cilat janë bërë të mundura falë investimeve të shumta, kanë çuar në një trajtim të Shqipërisë si një partnere të barabartë në arenën ndërkombëtare, me një respekt që nuk është patur më parë.
