Gjatë një ceremonie për nënshkrimin e urdhrave ekzekutivë në Shtëpinë e Bardhë, Presidenti Donald Trump kritikoi vendimin e Presidentit Joe Biden për të falur anëtarët e familjes së tij, të cilët nuk janë nën hetime.
Trump e cilësoi këtë akt si një sinjal se falja mund të nënkuptonte se ata mund të ishin fajtorë.
Pas nënshkrimit të një dekreti që falte rreth 1,500 persona të akuzuar për lidhje me sulmin e 6 janarit 2021 në Kapitol, Trump komentoi faljen e familjes Biden, duke theksuar se ky veprim do të hapte dyshime mbi pafajësinë e tyre.
Presidenti Biden kishte njoftuar një ditë më parë se kishte falur disa anëtarë të familjes së tij, përfshirë vëllanë James Biden, bashkëshorten e tij Sara Biden, motrën Valerie Biden O’Weens dhe të tjerë.
Biden tha se këto falje nuk duhet të interpretoheshin si një pranim fajësie, dhe se ato ishin një mënyrë për të mbrojtur familjen nga sulme të panevojshme politike.
Vendimi për faljen e anëtarëve të familjes ishte përbuzur nga disa, duke përfshirë Trump, i cili e konsideroi si një akt politik dhe një shenjë të mundshme të fajësisë së tyre.
Po ashtu, Biden ishte kritikuar më parë për faljen e djalit të tij, Hunter Biden, pas deklaratës së tij se nuk do të ndërmerrte një veprim të tillë.
