Brenda Bazilikës së Shën Pjetrit, presidenti amerikan Donald Trump dhe presidenti ukrainas Volodymyr Zelensky janë fotografuar duke biseduar për rreth 15 minuta.
Fotot e publikuara nga zyra e presidentit ukrainas i tregojnë të dy liderët të ulur përballë njëri-tjetrit, në një sallë mermeri, pa praninë e ndihmësve.
Një zëdhënës i Zelenskyt bëri të ditur se ata ranë dakord që të zhvillojnë një tjetër takim gjatë ditës për diskutime të mëtejshme.
Ndërkohë, Stephen Cheung, drejtori i komunikimit të Shtëpisë së Bardhë, deklaroi se biseda mes Trump dhe Zelenskyt ishte shumë konstruktive, duke shtuar se priten më shumë detaje.
Në ceremoninë mortore në Vatikan, edhe Princi i Uellsit, William, ka përshëndetur ish-presidentin Trump dhe Zonjën e Parë, Melania Trump.
Kensington Palace njoftoi se princi zhvilloi gjithashtu një takim të shkurtër me presidentin francez Emmanuel Macron dhe zonjën Brigitte Macron, përpara se të merrte pjesë në shërbesën funerale.
Në mesin e liderëve pjesëmarrës në këtë ceremoni madhore ishin edhe Presidentja e Kosovës, Vjosa Osmani, e shoqëruar nga bashkëshorti Prindon Sadriu.
Pas saj, është parë të mbërrijë edhe kryeministri Albin Kurti, bashkë me bashkëshorten.
