Pas vrasjes së 18-vjeçarit në Shkozë, një tjetër ngjarje rëndë ka ndodhur mbrëmjen e djeshme në Tiranë. Një 40-vjeçar ka mbetur i plagosur për shkak të një konflikti me disa persona të tjerë.
Referuar informacioneve paraprake, mësohet se ngjarja ka ndodhur në zonën e Komunës së Parisit, ndërsa i plagosuri është dërguar me urgjencë drejt spitalit të Traumës në Tiranë, jashtë rrezikut për jetën.
Policia ka shoqëruar disa persona në komisariat, të cilët dyshohet se kanë qenë të përfshirë në konflikt, ndërsa për arsye hetimore identiteti i tyre nuk është bërë ende publik.
Mendohet se shkak konflikti ka nisur për motive banale, rast i ngjashëm me konfliktin tjetër që ndodhi në zonën e Shkozës, ku mbeti viktimë 18-vjeçari Aurelio Dervishi.
