Mëngjesin e kësaj të marte një sasi tritoli ka shpërthyer në makinën e kreut të Partisë Demokratike së Rithemelimit në Vaun e Dejës, Benard Ndrecës. Ndërkohë që lidhur me këtë ngjarje të rëndë, në një kohë kur ndodhemi rreth një muaj para zgjedhjeve lokale të 14 majit, ka reaguar edhe deputeti demokrat Gazmet Bardhi. Bardhi nëpërmjet një postimi në rrjete sociale u shpreh se zgjedhjet lokale kanë marrë një goditje të rëndë pas atentatit ndaj Ndrecës dhe se akti kriminal i ndodhur është i papranueshëm. Deputeti ka shprehur solidaritetin e tij me familjes e Ndrcës dhe ka kërkuar që autorët të vendosë sa më shpejt përpara drejtësisë.
“Zgjedhjet lokale sot kanë marrë një goditje të rëndë. Akti i sotëm kriminal në Vaun e Dejës ndaj Bernard Ndrecës është i papranueshëm dhe thellësisht i dënueshëm. Duke u solidarizuar plotësisht me të dhe familjen e tij, apelojmë që autoritetet ligjzbatuese të zbardhin menjeherë rastin dhe të vendosin përpara përgjegjësisë autororët. Zgjedhjet duhet të jenë shkëmbim idesh e alternativash, dhe kurrësesi luftë e intimidim me metoda kriminale”, shkruan Bardhi.
Ndërkohë që nga ana tjetër Ndreca në një deklaratë për gazetarët ai tha se ky është një akt që vjen për shkak të detyrës së tij dhe se nuk ka pasur asnjë konflikt personal me askënd.
