Tritol dyqanit të Arjan Aliços në Lushnje. Ngjarja ka ndodhur orët e para të mëngjesit. Aliço njihet si person me precedentë penalë të mëparshëm. Mirëpo edhe i biri nuk është i panjohur për Policinë e Shtetit. Babë e bir kanë tentuar të vrasin Julian Sulën në vitin 2016.
Ngjarja ka ndodhur në orët e para të mëngjesit, rreth orës 03:25, në lagjen “Skënder Libohova”, dhe nga shpërthimi i lëndës plasëse është dëmtuar vetëm dera (qepeni) i këtij ambienti në pronësi të Aliços. Ky i fundit njihet si person me precedentë penalë të mëparshëm. Mirëpo edhe i biri nuk është i panjohur për Policinë e Shtetit.
Më 28 mars, ai u ekstradua nga Kroacia pasi është dënuar 13 vite për vrasje të mbetur në tentativë. Xhino Aliço në bashkëpunim me babanë e tij, Arjanin, në vitin 2016 kanë plagosur me thikë dhe sende të forta, Julian Sulën, duke i shkaktuar atij dëmtime të rënda në trup dhe në kokë. Pas ngjarjes, Xhino ishte larguar nga Shqipëria, por u dënua në mungesë me 13 vite heqje lirie.
Policia e Shtetit po heton disa pista për të zbuluar se cilët janë autorët e vendosjes së lëndës plasëse, megjithatë në fokus të uniformave blu është hakmarrja për ndodhinë e 2016-ës. Grupi hetimor, nën drejtimin e Prokurorisë Lushnje, ndodhet në vendin e ngjarjes dhe po vijon punën për identifikimim dhe kapjen e autorëve.
