Tre aksidente kanë ndodhur brenda rreth dy orësh në Tiranë dhe Shkodër ku ka humbur jetën një 28 vjeçare dhe janë plagosur dy persona.
Aksidenti i parë me pasojë vdekjen ka ndodhur rreth orës 17:20, në rrugën Shkodër-Bardhaj në vendin e quajtur ura e Bardhajve.Drejtuesi i mjetit tip “Alfa Romeo” ka humbur kontrollin duke u përplasur me një mur, ku si pasojë ka dëmtuar dy persona në trotuar.28-vjeçarja Lida Hebaj është dërguar me shpejtësi në Spitalin Rajonal Shkodër, por fatkeqësisht ka ndërruar jetë nga plagët e marra.
Gjithashtu është dëmtuar personi D. K. 42 vjeç, i cili po merr mjekim në Spitalin Rajonal Shkodër. Autori i aksidentit është larguar nga vendi i nfjarjes dhe policia po punon për kapjen e tij.Sipas policisë, në vendngjarje ndodhet grupi hetimor për sqarimin e rrethanave të aksidentit.
Ndërkohë aksidenti i dytë ka ndodhur në rrugën “Dedë Gjo Luli” në Tiranë ku një 17-vjeçar që po udhëtonte me biçikletë është përplasur nga autobusi Aksidenti ka ndodhur gjatë pasdites së sotme rreth orës 18:35, ku drejtuesi i autobusit me iniciale F.G., ka aksidentuar të miturin me iniciale G.R., i cili ndodhet në spital nën kujdesin e mjekëve. Nuk dihet akoma gjendja shëndetësore e të miturit.
Sipas policisë, grupi hetimor ndodhet në vendngjarje dhe vijon puna për zbardhjen e rrethanave të ngjarjes.
Kurse aksidenti i tretë ka ndodhur rreth 19:15, nga Qafë-Kashari në drejtim të Rinasit, mjeti me drejtues personin S.H., ka dalë jashtë rrugë, për pasojë është përmbysur mjeti dhe është dëmtuar pasagjerja në mjet gruaja 59-vjeçare me iniciale T.K., e cila ndodhet në spital, nën kujdesin e mjekëve.
Ndërkohë tek Brryli, si pasojë e një defekti teknik në pjesën e motorit ka marrë flakë në ecje mjeti me drejtuese B.K., ku ka vetëm dëme materiale. Sipas policisë, grupi hetimor ndodhet në vendngjarje dhe vijon puna për zbardhjen e rrethanave të ngjarjes.
