Shërbimi i transportit urban do të ndërpritet sërish ditën e hënë, pa kaluar një javë që nga nisjae aktivitetit të tij.
Dosja.al ka mësuar se nga e hëna, asnjë autobus nuk do të lëvizë më nëpër Tiranë dhe ky vendim pritet që të komunikohet edhe në një deklaratë publike nga Unioni i Transportit Publik.
Shkak për këtë rimbyllje, mësohet se është bërë humbja që kompanitë e transportit kanë pësuar këto ditë që kanë qenë në punë.Për shkak të masave të marar nga pandemia e koronavirusit, autobusët kanë lëvizur me vetëm 30% të kapacitetit të tyre, duke mos sjellë asnjë të ardhur për kompanitë në fjalë.
Ndër të tjera, operatorët shprehen se çdo ditë kanë humbur rreth 3 milionë lekë të vjetra naftë, dhe këto para nuk kompensoheen nga uhdhëtarët pasi autobusët lëvizin pothuajse bosh. Kështu, ky aktivitet do të ndërpritet sërish.
Transporti publik në Tiranë iu rikthyer punës, katër muaj pas mbylljes për shkak të pandemisë. Të hënën, më 6 korrik, qytetarët e parë hipën në urbanë, sipas rregullave të vendosura, me maskë dhe në distancën e sigurisë. Sipas njoftimit zyrtar që u dha, shoqatabëri me dije se sot kishin arritur një marrëveshje me kreun e Bashkisë së Tiranës, Erion Veliaj, për rinisjen e punës.
Tranporti urban në Tiranë, ka qëndruar i mbyllur që prej fillimit të muajit Mars me urdhër të Ministrisë së Shëndetësisë, në kuadër të masave kundër përhapjes së COVID-19. Pasi ministria anuloi këtë urdhër në fund të muajit maj, shoqatat e transportit kanë dorëzuar disa kërkesa dhe deklaruar se nuk mund të rinisnin shërbimin e tyre, pasi kërkonin disa masa lehtësuese nga qeveria dhe subvencione.
