Kryeministri Edi Rama i pyetur nga gazetarët në konferencën për shtyp se sa ka kushtuar një vaksinë e Pfizer, ka deklaruar se ky informacion është konfidencial.
Sipas tij, çmimi është njëlloj për të gjitha vendet, por nuk mund ta tregojë shumën reale.
I pyetur gjithashtu se si do të transportohet vaksina, Rama është përgjigjur me ironi, i bezdisur nga pyetja, se mund të vijnë me kalë, me mushkë, me varka apo me çfarëdo.
“Vaksina si e tillë të luajë një rol thelbësor në kufizimin e përhapjes së koronavirusit.
Vaksina Pfizer ka çmim unik për të gjitha vendet, nuk negocion asnjë vend dhe kompania nuk negocion me asnjë. Është konfidencial dhe nuk dua të them më shumë se kaq këtu, nëse do të shikoni më pas, pasi shumë gjëra sot janë kështu, për një periudhë 2-3 mujore gjithçka do të relaksohet, pasi prodhimi do të jetë i mjaftueshëm për të gjithë. Transportin e vaksinave do t’i bëjmë me kuaj, me mushka, me varka, me avion me çfarë do që të jetë vaksina do të vijë këtu.
Keni parë ju një kompani që shet dhe merr përsipër transportin, ca janë këto pyetje”, ka deklaruar Rama.
“Në lidhje me “braktisjen” e Ballkanit në lidhje me vaksinat nga ana e BE-së, nuk kam çfarë të them asnjë koment më shumë. Nëse do të kem pasionin për të shkruar këto gjëra, në vitet e mëvonshme, libri im do të jetë bestseller edhe jashtë vendit”, ka thënë Rama në konferencën për shtyp./Gazetareforma.com/
