Një ngjarje e rëndë ka ndodhur për një familje shqiptare në Itali.
Bëhet e ditur se një 18-vjeçar shqiptar ka ndërruar jetë, ndërkohë që ka shpëtuar babai i tij. Admir Hoti po drejtonte mjetin, ndërsa në vendin e pasagjerit ndodhej babai i tij. Familja kosovare jetonte në Concordia Sagittaria, raportojnë mediat italiane.
Dyshohet se terreni me lagështi të jetë bërë shkak që i riu të humbiste kontrollin e mjetit dhe të përplaset në anë të rrugës. I riu u dërgua me urgjencë në spitalin Angelo në Mestre për t’iu nënshtruar një operacioni, por nuk mbijetoi. Gjithçka ka ndodhur rreth orës 20 të mbrëmjes së 10 majit, pra mbërmejs së djeshme në shtrirjen e unazës Mattei që të çon nga viadukti i rrethrrotullimit të Alpinit drejt Noiarit.
Në përplasjen janë përfshirë dy makina. Mjeti i Hotit, Fiat Grande Punto, e cila po lëvizte nga San Stino në drejtim të Portogruaro, kaloi nëpër rrethrrotullim, por shoferi humbi kontrollin. Ndërkohë që ekipet e shpëtimit mbërritën në vendngjarje me tre autoambulanca, zjarrfikëse dhe dy patrulla karabinierësh. Policia kreu veprimet proceduriale për të përcaktuar shkaqet e aksidentit.
Vlen të theksohet fakti që shqiptarët janë vazhdimisht pjesë e kronikave të mediave të huaja, si në rastin e fatit tragjik ashtu edhe për përfshirjen masive në aktivitete të paligjshme.
