Mjekja psikiatre, Arjana Rreli ishte e ftuar mbrëmjen e sotme në emisionin “Real Story” ku foli për tragjedinë në Kombinat që tronditi mbarë opinionin publik, ku nënë e bijë, Zhaneta dhe Anisa Josifi, u gjetë të vdekura brenda banesës së tyre, pasi ishin vetëflijuar duke besuar te ringjalla.
Mjekja Rreli tha se në familjen Josifi diçka ka funksionuar keq, ndërsa shtoi se tragjedia lidhet me problemet e psikozës, që në gjuhën e psikanalistëve njihet edhe si ‘çmenduri familjare’.
Pyetje: Cila ishte brava ku u fut ky virus vdekjeprurës në familjen Josifi?
Psikiatrja Arjan Rreli: Mendoj se në atë familje diçka ka funksionuar keq. Përgjithësisht persona që zhvillojnë psikozë të indoktuar nga një lider, që ka qenë nëna ose vajza, quhet ‘cmenduri familjare’ si siptomë. Është një lider që mbi bazën e delirit të vet ka një deformim të realitetit. Vetë psikoza tenton mbylljen e personave. Personi që udhëheq zhvillon këtë mendim dhe ua dikton anëtarëve të familjes, që normalisht janë më të nënshtruarit. E tillë psikozë do një nivel inteligjene.
Në përgjithësi problemet me psikozën, ose crregullimet e të menduarit, hasen te personat me inteligjencë të lartë. Kështu që nuk na cudit fakti që vajzat ishin të shkolluara. Gjithcka tregon se ishte një psikozë brenda familjes. Kjo familje kishte një traumë, ku babai i tyre i gjymtuar ishte vetëvrarë. Ky është një model shabllon që është ndjekur nga familjarët, por në një mënyrë tjetër. Fakti që ata nuk kishin asnjë raport me realitetin, e ka ushqyer këtë psikozë.
Gjithashtu mjekja Rreli deklaroi se ngjarje si ajo në Kombinat janë të rralla.Rreli u shpreh se e shikon ngjarjen si një devijacion të të menduarit, duke shtuar se edhe vetë ndodhia ishte e egër e paradoksale.
“E shikoj si devijacion të të menduarit, që është amplifikuar shkallë pas shkalle, derisa ka arritur në gjendje shumë të rëndë. Është një rast i rrallë. Ishte mënyrë e egër dhe paradoksale. Sigurisht aty problematika ka qenë e hershme.
Unë mendoj se c’rregullimet e para kanë qenë herët. Duket se janë fanatikë të mendimit të tyre që percipiton derisa shkon në mendime të tilla. Kërtu tek ne ka paragjykim akoma për shëndetin mendor”, tha mjekja psikiatre Arjana Rreli.
