BEJRUT
Shpërthimi në Portin e Bejrutit që mori jetën e më shumë se 150 personave dhe që plagosi afër 6000 të tjerë, iu ka kushtuar prangat disa drejtuesve të portit të kryeqytetit.
Kreu i Departamentit të Doganave në vend u arrestua dhe u urdhërua që të qëndrojë në paraburgim. Ndërsa, edhe paraardhësi i tij u arrestua pwr shpërthimin e madh, raportojnë mediat ndërkombëtare.
Shefi i doganës Badri Daher u mor në pyetje për “më shumë se pesë orë,” njoftoi Agjensia Kombëtare e Lajmeve. Në fund të intervistës, një gjykatës vendosi që Daher të qëndrojë në paraburgim.Shafik Merhi, paraardhësi i Daherit, gjithashtu u arrestua së bashku me kreun e Portit të Bejrutit, Hasan Qoreitem.
Daher më parë tha për Al Arabiya English se Master Porti i Portit të Bejrutit Mohammad el Maula ishte përgjegjës për lejimin e dërgesës në 2013 të tonelateve të nitratit të amonit në Liban.
Ai gjithashtu tha se të paktën pesë ankesa u janë dërguar gjyqtarëve libanezë në lidhje me rrezikun e ruajtjes së kimikateve të tilla midis tij dhe paraardhësit të tij. “Gjyqtarët nuk u përgjigjën kurrë e nuk është e drejta ime të ndërhyj”, tha Daher.
Zyrtarët libanezë pranuan se e dinin se kishte një masë prej 2 750 ton nitrat amoniumi në një depo në port. Të martën, shpërthimet masive vranë të paktën 150 njerëz, plagosën mbi 5 000 dhe shkatërruan ndërtesa në të gjithë kryeqytetin.
