Një pjesë e një akullnaje u shkëput në Himalajet Indian këtë të dielë, duke shkaktuar një përmbytje vdekjeprurëse që shpërtheu në një hidrocentral dhe shkatërroi shtëpi. Më shumë se 150 njerëz janë raportuar të zhdukur.
Ekipet e shpëtimit ndaj katastrofave në Uttarakhand, një shtet malor në pjesën veriore të vendit dolën menjëherë në terren. Dhjetë trupa janë gjetur.
Ashok Kumar, shefi i policisë së Uttarakhand, tha që orteku ra në orën 11 të mëngjesit, ndersa autoritetet evakuuan disa fshatra në rrjedhën e poshtme.
Kanalet televizive transmetuan pamjet e ujit që derdhej në një kanion të ngushtë dhe largon termocentralin në bazën e tij. Një termocentral i dytë shtetëror aty pranë gjithashtu pësoi dëme të mëdha.
Shumica e të zhdukurve ishin punëtorë në dy termocentralet. Trupat ushtarake hapën një hendek për të shpëtuar më shumë se një duzinë punëtorësh të bllokuar në një tunel. Uttarakhand pësoi një përmbytje në vitin 2013 që mori mijëra jetë njerëzish. Analistët kanë fajësuar ndryshimet klimatike dhe ndërtimet e pakontrolluara për fatkeqësi të tilla.
Girish Joshi, një konsulent me autoritetin shtetëror të menaxhimit të katastrofave, tha se një pjesë e tetë miljeve e lumit ishte prekur, por nuk kishte rrezik tjetër. “Nivelet e lumenjve janë normale tani,” tha ai. Autoritetet në shtetin fqinj të Uttar Pradesh thanë se ishin në gatishmëri dhe monitoronin nivelet e ujit.
Washington Post
