Një përçarje ka ndodhur në Partinë Demokratike që me nisjen e sesionit të 10 parlamentar, ku kreui PD-së përjashtoi nga grupi ish-kryeministrin Sali Berisha.
Dy nga demokratët të cilët ishin të pozicionuar ditën e sotme në krah të Berishës, përkatësisht Klevis Balliu dhe Flamur Noka, pas përfundimit të takimit të Berishës me demokratët, kanë dhënë një prononcim për mediat.
I pari ka qenë Flamur Noka i cili tha se Sali Berisha ka dhënë mesazhin e qartë për një PD më të fortë, më të hapur dhe të bashkuar, në mënyrë që të rrëzohet Edi Rama.
“Mesazhin e dha doktor Berisha, një PD më e fortë, më e hapur, më e bashkuar, për të mundur Edi Ramën”, tha Noka.
Edhe Klevis Balliu duket se ka qenë në të njëjtën linjë me Nokën dhe ka thën ndër të tjera se përjashtimi i Sali Berishës nga Partia Demokratike do të vendoset me votë dhe referendum. Po ashtu Berisha ka thënë se kjo energji tmerron Edi Ramën dhe gjithë kupolën e krimit të organizuar në qeverisje.
“Tregon bashkim, që PD di të diskutojë dhe debatojë dhe është ngritur për votën e lirë. Do vendoset me votë dhe referendum, gjithë kjo energji tmerron Edi Ramën dhe gjithë kupolën e krimit të organizuar në qeverisje. Asgjë nuk ka më shumë rëndësi së anëtarësia dhe askush ska më shumë rëndësi se qytetarët,” tha Balliu.
