Ekspertët e Organizatës Boërore të Shëndetësisë kanë publikuar një raport për një inspektim të kryer gjatë vitit 2018 në Shqipëri.
Shkrimi është publikuar i plotë në revistën “Monitor” ku shkruhet se një pajisje mjekësore ka gati 100 vite që përdoret në Shqipëri. Pajisjet e vjetra janë gjetur gjatë një inspektimi në një klinikë shqiptare.
Në raportin “Kujdesi shëndetësor parësor në Shqipëri: vlerësim i shpejtë” thuhet që një pajisje mjekësore me rreze X e vitit 1918 që u gjet ende në përdorim në Shqipëri do të ishte e denjë për një muze, teksa kanë vënë në dukje se vendi ka mangësi të mëdha në pajisje mjekësore.
Në raportin e OBSH-së theksohet se në vitin 2018 në Shqipëri ka pasur një mungesë të konsiderueshme për diagnostifikimin dhe trajtimin me pajisje mjekësore. Por edhe pajisjet që ishin në përdorim ishin jashtë standardeve të lejuara.
Në qendrat e inspektuara nuk u gjet elektrokardiograf, otoskop ose okuloskop.
“Një qendër kishte ende në funksionimin makinerinë me rreze X nga viti 1918, e denjë për një muze”, thotë raporti.
Nga intervistat e kryera nga OBSH, u vu re se ka pasur një mungesë për shërbimet laboratorike, sidomos në zonat rurale. Edhe për analizën e thjeshtë të gjakut dhe urinës, pacientët duhet të shkojnë në poliklinika.
Në raportin e këtyre ekspertëve thuhet se qeveria e ka keqmenaxhuar sistemin e drejtësisë, kjo nga koncesionet me PPP, të cilat thithin miliona euro për shërbimet dytësore, siç është edhe sterilizimi.
Ekspertët janë shprehur se investimet më të mëdha duhet të jenë në pajisjet mjekësore. Ajo që u vu re ishte se të pandryshuara mbetën pajisjet e diagnostifikimit të cilat rezultojnë se janë shumëvjeçare dhe se kanë një rrezatim të lartë.
Inspektoret e OBSH-së vërejtën se ndërtesat janë kryesisht të vjetra. Edhe pse disa disa ambiente janë rinovuar kohor e fundit, tavanet janë të mbuluara me myk, pa ngrohje dhe pa sistem ventilimi.
