Një 50-vjeçar nga Vlora, i cili ishte në gjendje të dehur, për pak sa nuk ka shkaktuar një tragjedi në familjen e tij.
Siç raporton policia burri me inicialet P.Sh. ka ushtruar dhunë fizike ndaj të birit, ndërsa ka plagosur me thikë në dorë vajzën e tij të mitur.
Fatmirësisht policia ka ndërhyrë dhe ka arrestuar vlonjatin pasi situata mund të kishte pasoja të rënda.
Njoftimi i policisë
Policia e Vlorës falë ndërhyrjes në kohë ka parandaluar përshkallëzimin e një konflikti familjar me pasoja të rënda.
Arrestohet në flagrancë shtetasi P.Sh., 50 vjeç, pasi në banesë, nën e efektin e pijeve alkoolike, ka ushtruar dhunë fizike ndaj djalit të tij dhe ka plagosur lehtë në dorë me mjete prerëse (thikë) vajzën e mitur.
