Burgjet greke janë duke u kthyer padyshim në më problematikët dhe kjo për shkak të vdekjeve të shpeshta që janë duke ndodhur, ku brenda 20 ditëve vritet edhe shqiptari i dytë i burgosur.
Ditën e sotme, 29-vjeçar shqiptar është vrarë me thikë në burgun e Trikallas, në Greqi për shkaqe që ende nuk janë bërë të ditura.
Nga raportimet e mediave greke, i riu është goditur në gjoks edhe në këmbë, mirëpo nuk ka mundur që të mbijetojë.
Edhe pse është çuar me urgjencë në spitalin e Trikallas, ka qenë e pamundur që të shpëtojë për shkak të plagëve dhe gjakut që kishte humbur.
Policia ende nuk ka nxjerrë një raport të plotë të ngjarjes ku të bëjë me dije rreth vrasësit ose shkakut, gjë që pritet të ndodhë në orët në vazhdim.
