Tirana International Airport ka njoftuar mbrëmjen e sotme rregullat që duhet të kenë parasysh qytetarët që duan të udhëtojnë drejt Italisë.
Nëpërmjet një postimi në Facebook TIA shkruan se Agjencia Kombëtare e Aviacionit Civil Italian ka vetëm dy kërkesa për shqiptarët që udhëtojnë në Itali, e para ka të bëjë mbi përdorimin e maskës. Kërkohet vetëm maskë kirurgjikale, në rast të kundërt mund të mos lejohet hyrja në Itali.
Ndërkohë kërkesa tjetër e italianëve është plotësimi i formularit të vetdeklarimit, të cilin duhet ta printosh dhe plotësosh paraprakisht. Njëra kopje duhet të dorëzohet në momentin e check-in (te pranimit të biletës) dhe kopja tjeter duhet të dorëzohet tek autoritetet lokale italiane në destinacionin e mbërritjes.
Njoftimi i plotë:
Në vëmendje të pasagjerëve që udhëtojnë në Itali
Agjencia Kombëtare e Aviacionit Civil Italian ka përcjellë këto dy kërkesa për pasagjerët që udhëtojnë nga Shqipëria, me qëllim që procesi i kalimit të udhëtarëve nëpër aeroporte të lehtësohet
Çdo pasagjer që udhëton drejt Italisë duhet të jetë i pajisur vetëm me maskë kirurgjikale. Pasagjerët që përdorin lloje të tjera të maskave, mund të mos lejohen të hipin ne bordin e avionit.
Formularët e vetëdeklarimit duhet të printohen dhe të plotësohen paraprakisht. Njëra kopje duhet të dorëzohet në momentin e check-in (te pranimit të biletës) dhe kopja tjeter duhet të dorëzohet tek autoritetet lokale italiane në destinacionin e mbërritjes. Plotësimi i formularit para udhëtimit ndihmon në minimizimin e qëndrimit për një kohë të gjatë në radhë gjatë procesit të kontrollit.
Udhëtimet mbeten ende të kufizuara.
Ju lutem gjeni formularin në linkun e mëposhtëm:
http://www.tirana-airport.com/…/15984515615144FORMAL_STATEM…
Ju faleminderit për bashkëpunimin,
Tirana International Airport
