Policia greke ka gjobitur me 300 euro 12 emigrantë shqiptarë, pasi thyen rregullat e karantinës.
Ata u kapën duke udhëtuar pa lejen e nevojshme drejt Igumenicës, ku më pas do të vinin në Shqipëri.
Emigrantët u ndaluan në KTEL Kifissos, ndërsa policia urdhëroi largimin e autobusit bosh për në Imgumenicë.
Sipas “iefmerida.gr”, emigrantët u thanë policisë se ishin punëtorë në Mykonos dhe do të shkonin në vendin e tyre.
Media greke shkruan se shqiptarët nuk kishin lejen e nevojshme për të qarkulluar në periudhë karantinë dhe prandaj u gjobitën.
Kujtojmë këtu se kryeministri Edi Rama është shprehur se ata që duan të vijnë në Shqipëri, duhet të koordinohen fillimisht me ambasadën.
Të gjithë emigrantët që janë rezident në një vend tjetër, me urdhër të qeverisë nuk do të lejohen të futen në vendin tonë, ndërsa kushdo që hyn në Shqipëri, do të vetëkarantinohet për 14 ditë në hotel dhe shpenzimet do t’i paguajë vetë.
