The Guardian këtë herë i kushton një artikull të plotë Kosovës me titull“Dhurata e Turqisë për xhaminë ndez frikën e ‘neo-otomanizmit’ në Kosovë”.
Mesa duket sipas prestigjizes The Guardian, edhe pse një shumësi e popullsisë së Kosovës i përkasin fesë myslimane, ngritja e një Xhamie të financuar nga Tuqia është shqetësuese.
“Prishtina ka shumë nevojë për një xhami të re, por përpjekjet e Turqisë për të ndërhyrë në shtetin e ri të Ballkanit me investime dhe avokim janë duke ngritur shqetësime”.
Më tej në artikull thuhet se ky kundërshtim lind nga frika e rrënjosjes së Islamit.
“Kundërshtimi ndaj shumë xhamive të reja anembanë Evropës është i rrënjosur nga frika e Islamit, por fakti se nga 20 persona 19 janë myslimanë në Kosovë, rezistenca ndaj xhamisë së re të Prishtinës nuk përputhet me atë të Evropës. Disa banorë vendas e shohin atë si një simbol të ndikimit mbizotërues të Turqisë, ndërsa të tjerët dyshojnë në kthimin e besimit në një hapësirë publike laike”, shkruan The Guardian.
Gjithshtu theks të vacant ka marrë edhe afrimiteti që Kosova dhe Turqia kanë, duke vendosur edhe një herë në vëmendje vizitën e Presidentit turk, Rexhep Taip Erdogan në Kosovë gjatë vitit 2013.
“Kosova është Turqi dhe Turqia është Kosovë”, citon prestigjiozja britanike Erdoganin.
The Guardian shkruan për kosovarët e besimit islam, që gjatë festave falin namazin rrugëve rreth xhamisë së madhe të ndërtuar në vitin 1461.
Ndër kundërshtarët më të zëshëm të projektit janë arkitektët locale.
“Edhe pse tenderi publik theksoi nevojën për një ndërtesë origjinale, dizajni i zgjedhur është klasik osman.Projekti është duke u mbikëqyrur nga drejtoria e shtetit turk për çështjet fetare, Diyanet, e cila ka ndërtuar dhjetëra xhami të tjera nëpër botën islamike vitet e fundit. Mbi 30 projekte u paraqitën vetëm disa muaj pasi thirrja për to u bë në vitin 2012. Edhe Zaha Hadid propozoi një projekt”, thotë arkitekti kosovar Arbër Sadiki për The Guardian.
“Projektet supozohej të ishin origjinale, por ai i zgjedhuri është vetëm një kopje e një xhamie otomane. Vendimi duket më shumë politikë se sa arkitektonik. Unë njoh arkitektë të mahnitshëm që punojnë në xhami bashkëkohore në Turqi. Pse nuk mund ta vendosim Prishtinën në hartë me diçka të tillë?”, është shprehur arkitekti.
