Në nëntor të vitit 2019 gazetari Artan Hoxha deklaroi se kishte një video të një politikani, por nuk dha detaje të tjera.
Mirëpo, tërmeti i 26 nëntorit, siç ka pranuar Hoxha, e hoqi nga vëmendja e tij këtë filmim.
Disa ditë më parë ai ishte i ftuar në “Opinion”, ku po diskutohej rreth ligjit të dekriminalizimit dhe kryebashkiakëve.
Ai iu rikthye sërish çështjes në fjalë, duke deklaruar se në video është një kryetar bashkie që konsumon lëndë narkotike në ambiente publike.
Kjo deklaratë e tij u shoqërua me një lumë komentesh dhe aludimesh.
Ky filmim tashmë është publikuar dhe pretendohet se protagonist i videos është krybashkiaku i Bulqizës, Lefter Alla.
Pamje nga videoja
Mirëpo, gazetari deklaroi pak më parë në studion e ABC News se është kërcënuar që kjo video të mos publikohej.
Pas deklaratës së tij rreth videos në fjalë, përveç gazetarit kërcënime kanë marrë edhe njerëzit pranë tij.
Kështu, ai i bëri thirrje policisë të marrë masa rreth këtyre kërcënimeve.
Së fundmi, gazetari Artan Hoxha është kërkuar që të deponojë në Polici.
Rovena Voda, sipas Fevziu, ka kërkuar që Hoxha të shkojë në Policië për të dhënë dëshminë e tij.
“Më thonë që të ka kërkuar zv.ministrja e Brendshëm në Polici. Më vjen informacioni nga ABCNews.Të çoj unë mbrapa! Se ta kam marrë dorën sa në Prokurori, sa në Polici.
Artan HOXHA: Është më kollaj të më çojnë mua atje se të marrin atë. Kjo është më kollaj, si puna e atij avionit me drogë. Është më kollaj të marrësh atë gazetarin hetoje, trysnoje sesa të bësh hetime. Unë pres një reagim nga ai që drejton këtë vend.”
