Kanë kaluar 2 muaj nga tërmeti i 26 nëntorit dhe Shqipëria nuk po gjen qetësi.
Mbrëmjen e sotme një lëkundje 5.5 ballë e shkallës rihter ka frikësuar sërish banorët.
Epiqendra ishte në Hamallaj, Durrës, por është ndjerë në disa qytete, si Tiranë, Krujë e Vlorë, Kurbin, Fier dhe Elbasan.
Po ashtu, janë ndjerë edhe dy tërmete të tjera: një 4.1 ballë me epiqendër në Bubq dhe një 3.3 ballë me epiqendër detin Adriatik.
Banorët të frikësuar kanë braktisur banesat e tyre dhe kanë dalë në rrugë.
Deri më tani nuk raportohet për dëme materiale.
