Lëkundje tërmeti janë ndjerë pak më parë në Shqipëri. Tërmeti ka qenë me magnitudë 3.9 i shkallës Rihter, dhe thellësia ka qenë 2 km. Epiqendra e tërmetit ka qenë 24 km në verilindje të Tiranës dhe lëkundjet janë ndjerë po ashtu në kryeqytet.
Kujtojmë që edhe pak ditë më parë, lëkundje tërmeti janë ndjerë në vend. Tërmeti ishte magnitudë 4.7 i shkallës Rihter dhe epiqendra ka qenë në Malësi të Madhe. Lëkundjet janë ndjerë dhe në Lezhë, Shkodër e Tiranë, ndërsa thellësia e tërmetit ka qenë pesë km
Sjellim në vëmendje se dy vite më parë, po në 21 shtator ka rënë tërmeti me magnitudë 4.9 i shkallës Rihter, që i parapriu tërmetit të nëntorit.
Shqipëria u godit nga një tërmet i fuqishëm në orët e para të mëngjesit në 26 nëntor të vitit 2019. Si pasojë e tërmetit tragjik të 26 nëntorit humbën jetën 51 persona dhe u plagosën më shumë se një mijë të tjerë. Dy zonat që u prekën më shumë ishin Durrësi e Thumana, ku pati edhe më shumë viktima e ndërtesa të shkatërruara. Lëkundjet u ndjenë po ashtu në qytete të tjera e në kryeqytet. Ndër të tjera, tërmeti la të pastrehë shumë njerëz, të cilët ende janë pa një shtëpi, ndërsa procesi i rindërtimit vazhdon.
