Ndryshe nga sa deklaroi dje kryeministri Edi Rama, Partia Socialiste ka vendosur të jetë e pranishme në mbledhjen e Këshillit Politik që do të zhvillohet sot në orën 17:00. Rama deklaroi se sot nuk do të kishte tryezë, por mesa duket planet kanë ndryshuar.
Damian Gjiknuri i PS-së do të jetë në tryezën e Këshillit Politik, të kërkuar nga opozita jashtëparlamentare.
Palët janë futur sërish në ngërç për shkak të vendimit të kryeministrit Rama për të ndaluar koalicionet parazgjedhore. Pritet që këtë ndryshime të miratohen në Kuvend në seancën e fundit për këtë sesion, më 30 korrik.
