Një strukturë monumentale në kryeqytetin Phenian, e cila simbolizonte përpjekjet për pajtim mes Koresë së Jugut dhe Koresë së Veriut, është shkatërruar me urdhër të liderit Kim Jong Un. Kim, gjatë një fjalimi në Asamblenë e Lartë Popullore më 15 janar, e quajti atë një “furmë” dhe urdhëroi ndryshimin e Kushtetutës, duke shpallur Korenë e Jugut si “armikun parësor, të pandryshueshëm dhe kryesor”. Imazhet satelitore nga Pheniani sot tregojnë se monumenti, një hark simbolik i ngritur pas një samiti ndër-korean në vitin 2000, nuk ekziston më. Informacioni vjen nga NK News, një platformë online e lajmeve që monitoron zhvillimet në Korenë e Veriut.
Tensionet në gadishullin korean janë përshkallëzuar pasi forcat ushtarake të SHBA-së dhe Koresë së Jugut shtuan stërvitjet ushtarake në përgjigje të testeve të armëve nga Koreja e Veriut. Ky e fundit ka bërë deklarata për gatishmërinë për një “luftë bërthamore” me armiqtë e tij.
