Paraditen dhe mesditën e sotme, ka patur tensione në qytetin e Kavajës. Opozita ka nisur tentativat për të bllokuar konstituimin e Këshillave Bashkiakë, në ato bashki në të cilat kanë qeverisur vetë.
Edhe në Kavajë një numër i madh qytetarësh kanë protestuar para bashkisë për të mos lejuar futjen në zyrë të kryebashkiakut të ri të Kavajës, Redi Krajës.
Qytetarët kanë ndaluar edhe hyrjen brenda bashkisë së Kavajës të Prefektes së Tiranës, Suzana Jahollarit. Në bashki brenda ndodhet që prej mëngjesit Isa Sakja, i cili është zotuar se nuk do ta lërë zyrën e tij.
Prokuroritë janë duke monitoruar situatën dhe kanë paralajmëruar se kush nuk liron zyrën, do të përballet me akuza në bazë të nenit 249 të Kodit Penal, ku do ketë arrestime dhe ndjekje penale.
