Një tjetër plagosje me armë zjarri ka ndodhur mbrëmjen e sotme në Shkodër. I plagosur ka mbetur Mikel Fusha, i cili ndodhet në spital jashtë rrezikut për jetën. Ngjarja ka ndodhur në një lokal në lagjen “Mark Lula”.
Kujtojmë se mbrëmjen e djeshme pati sërish të shtëna me armë zjarri në qytetin e Shkodrës, ku të plagosur mbetën dy vëllezërit Marjan dhe Hot Doçaj. Ngjarja ndodhi në fshatin Bardhaj, ndërsa dy vëllezërit u transportuan në spital dhe janë jashtë rrezikut për jetën. Policia bëri të mundur edhe identifikimin e autorit Besmir Perkola dhe rrethoi zonën për kapjen e tij. Marjan dhe Hot Doçaj janë kushërinj me Genitian Doçajn, më konkretisht djem xhaxhallarësh. Gentian Doçaj është shpallur në kërkim si një prej organizatorëve të pengmerrjes së Jan Prengës në janar të vitit të kaluar në Kamëz. Ngjarja e mbrëmjes së djeshme nuk mendohet të ketë lidhje me rrëmbimin e Prengës, por dyshohet se ka ndodhur për një konflikt të çastit. Ndërkohë, dy vëllezërit Doçi nuk kanë pranuar të japin detaje të shumta në polici.
Ditën e djeshme pati të shtëna me armë zjarri po ashtu edhe në Kombinat. Autori qëlloi disa herë në ajër dhe fatmirëisisht nuk pati viktima, por ai ishte duke tentuar të vriste një person që ishte konfliktuar me vëllanë e tij.
