Koronavirusi tashmë ka marrë përmasa të frikshme, duke shënuar 910 viktima, ku 440 raste janë konfirmuar jashtë territorit të Kinës.
Në Japoni, në kroçerën e ankoruar në brigjet e Yokohamas me 3700 udhëtarë, janë konfirmuar 70 raste, nga 136 që janë të dyshuar.
Të dhënat janë konfirmuar nga kapiteni i “Diamond Princess”, Stefano Ravera, shkruan “CNN”.
Autoritetet japoneze janë duke testuar qindra pasagjerë në bordin e kroçerës, të cilët kanë mbetur të bllokuar për një javë.
Një çift nga Florida shprehet se kompania “Medjet” për të cilën punojnë ka shprehur gatishmërinë, për të ardhur e për t’i marrë, por autoritetet japoneze nuk po i lejojnë.
Autoritetet japoneze kanë bërë me dije ,se do të kontrollojnë çdo pasagjer që ndodhet në kroçerë.
Kroçera “Diamond Princess”, është izoluar që prej 4 shkurtit dhe pritet që kontrollet të mbarojnë më 19 shkurt.
Koronavirusi përveç viktimave në njerëz, ka paralizuar edhe ekonominë kineze, pasi qindra anije mallrash nuk lejohen të ankorohen.
Epidemia ka prekur edhe sportin, duke shkaktuar anulimin e kampionatit botëror të golfit për femra.
