Në një kohë kur tifozët shqiptarë janë në pritje të fillimit të kampionatit, i cili prej më shumë se një muaji është shtyrë nga bojkoti i krerëve të klubeve për plotësimin e kërkesave nga ana e qeverisë, Liga Profesionale ka dalë ditën e sotme me një lajmërim.
Nëpërmjet faqes zyrtare, Liga njofton se po kërkon një sponsor për emrin e saj, e drejta për të qenë sponsor përfshin edhe blerjen edhe të drejtave të emrit të Kategorisë Superiore, dhe për këtë ka vendosur dhe çmimin dysheme, 10 milion lek të reja:
Njoftimi i Ligës:
Liga Profesioniste e Futbollit njofton se po kërkon një sponsor për emrin e saj.
E drejta për të qënë sponsor përfshin blerjen e të drejtave të emrit të Kategorise Superiore (Superligës) dhe përfitime të tjera.
Çdo kompani e interesuar duhet të jetë një kompani që gëzon emër të mirë dhe reputacion të rëndësishëm kombëtar dhe/ose ndërkombetar.
Për informacion më të hollesishëm, mund të na shkruani në adresën [email protected].
Shitja e të drejtave të emrit do të ketë afat vetëm për sezonin 2020-2021 me një çmim dysheme prej 10 milion lekë.
Çdo subjekt i interesuar mund të paraqese oferten e tij brenda datës 23 Tetor 2020, ora 12.00, në adresën Sheshi Italia, Stadiumi “Air Albania”, Kati i 2-të, 1010 Tiranë, ose nëpërmjet adresës se emailit [email protected]
