Shefqet Kastrati vazhdon të favorizohet nga pushteti vendor dhe ai lokal, duke marrë tendera me vlerë miliona euro. Kastrati tashmë duket se është kthyer në monopol përsa i përket tenderave, kryesisht atyre që kanë të bëjnë me hidrokarburet, ku kjo kompani zhvillon aktivitetin më të madh.
Bashkia e Durrësit e drejtuar nga Emiriana Sako i kanë dhënë jo më larg se e hëna (20 shkurt) oligarkut Shefqet Kastrati 2 kontrata me vlerë 2 milion euro. Tenderat janë me garë, por që vetëm të tillë nuk ishin, pasi pjesëmarrëse e vetme ishte kompania e Shefqet Kastratit, që çon në dyshime për një paracaktim të fituesit që para nisjes së garës.
Njëri nga prokurimet ka si objekt blerjen e naftës. Për të siguruara naftë për makinat e Ndërmarrjes së Shërbimeve Komunale në Durrës, Sako do të shpenzojë 197 milionë lekë për të vlerë 1 mijë tonë naftë.
Procedura e ndjekur për tenderin me objekt ‘Loti I Diesel’ ka marrë kartonin e kuq nga Open procurement Albania pasi konstatohen shkelje të procedurave.
Shkelja në këtëtë tender nuk ka patur garë dhe fondi limit është aq sa ka paraqitur ofertën firma “Kastrati” shpk. Siç e dëshojnë edhe dokumentat firma “Kastrati” shpk ka qenë e vetmja në “garë” me ofertën 197 906 500,00, lekë, kjo tregon se fituesi është i përcaktuar.
Por nuk mbaron me kaq me datën 3 shkurt 2023 edhe një tjetër kontratë me Kastratin, përmes të cilës do të blejë 13 mijë litra benzene pa garë, raporton Vox News.
Gjithashtu dyshimet shtohet, pasi paraqitja e ofertave dhe shqyrtimi i tyre është bërë brenda një dite, 1 shkurt 2023.
“Gazeta Reforma” i ka denoncuar disa herë përfitimet e paligjshme të Shefqet Kastratit, sidomos me krijimin e Bordit të Transparencës, i cili akoma po vazhdon të rrjepë qytetarët dhe po pasuron oligarkët e naftës.
