Policia e Shtetit ka bërë publik emrat dhe fotot e tre personave të shpallur në kërkim pasi ishin dënuar me nga 25 vite burg, të akuzuar për vrasje.
Pjetër Pacani në datën 18 janar 2011, vrau shtetasit me iniciale N.Z. dhe V.GJ., pranë një karburanti në autostradën Lezhë-Tiranë, dhe akuzohet për veprat penale “Vrasja në rrethana të tjera cilësuese” dhe “Armëmbajtja pa leje”.
I dënuari tjetër Jak Gjini, ka vrarë me armë zjarri më 30 gusht 2003, në fshatin Tresh, Lezhë, sbtetasin mr iniciale P. B. Dhe akuzohet për veprat penale “Vrasja me paramendim” dhe “Armëmbajtja pa leje”.
Dhe së treti, Besmir Xhebexhia ka vrarë me armë zjarri, për motive të dobëta, vëllezërit A. N. dhe R. N. dhe ka plagosur rëndë duke i këputur krahun e djathtë, shtetasin H. N. më 20.07.2000 dhe akuzohet për veprën penale “Vrasja me dashje”.
Ata janë objekt i punës së Njësisë së Kërkimit.
