Teksa emigrantët shqiptarë po “pushtojnë” Britaninë e Madhe, ky vend duket se ka gjetur metoda alternative për të stimuluar largimin e tyre.
Qeveria britanike i ka ofruar para disa të burgosurve shqiptarë në Mbretërinë e Bashkuar për t’u larguar prej atje. Britania e Madhe po i paguan ata deri në 1 mijë e 500 funte për depërtim në Shqipëri, ku tashmë edhe fluturimet për një gjë të tillë janë rritur, pas marrëveshjes mes dy vendeve dhjetorin e kaluar për të frenuar dhe penguar migrimin e paligjshëm.
“BBC” foli me dhjetëra njerëz në disa prej këtyre fluturimeve dhe zbuloi se shumica vinin nga burgjet e Mbretërisë së Bashkuar. Një burrë rreth 30-vjeçar, i ka thënë “BBC”-së se atij iu ofruan 1 mijë e 500 funte për t’u kthyer në shtëpi, sipas një programi të veçantë të quajtur Skema e Kthimit të Lehtësuar.
“Oficeri i emigracionit erdhi të na takojë. Ata ju pyesin nëse doni të ktheheni [në Shqipëri] apo të qëndroni në MB. Ata shpjeguan se nëse ktheheni, ju heqin një vit nga dënimi”, tha ai, shkruan “BBC”, transmeton “Klankosova.tv”.
Një dokument i qeverisë së Mbretërisë së Bashkuar thotë qartë se skema është “një stimul financiar” që u ofrohet të burgosurve të huaj “me kusht që ata të bashkëpunojnë me dëbimin dhe të heqin dorë nga e drejta e tyre për të apeluar kundër tij”. Ai tha se ishte zgjedhje e tij për t’u kthyer në vendlindje. “Askush nuk më detyroi, ata më thanë se ti vendos nëse do të shkosh apo do të qëndrosh”, tha ai.
