Mëngjesin e ditës së sotme pritet të shkojë në SPAK kreu i grupit parlamentar të Partisë Socialiste, Taulant Balla. Kujtojmë që lajmin e ka bërë me dije vetë ai në Kuvend, të hënën, por nuk ka dhënë më shumë detaje lidhur me çështjen për të cilën pritet që të dëshmojë, por theksoi se është kryedemokrati Sali Berisha, personi që ka ngritur padi ndaj tij.
“E pres Sali Berishën, ka ngritur një akuzë kundër meje kam shkuar dhe kam bërë kallëzim dhe pres nga Gjykata të më japë mua ose atij të drejtë. Kur vjen radha për të ardhur atje nuk duket. E pres këtë javë të vijë aty nëse i ka ngelur ndopak burrëri dhe të përballet,”-tha Balla në Kuvend, po dha detaje të tjera. Ndërkohë që një ditë më parë në SPAK ishte edhe Silva Bino, shefja e Departamentit të Epidemiologjisë pranë ISHP-së
Për gati 1 orë dëshmoi para prokurorëve të SPAK në lidhje me një tender të ISHP-së, në cilësinë e personit që ka dijeni pasi ka qenë dhe drejtoreshë e këtij institucioni gjatë periudhës së pandemisë. Ajo nuk pranoi të fliste për mediat, madje u ndje e bezdisur nga tentativat e gazetarëve për ta pyetur, duke thënë; “a jeni në vete?!”.
