Ukraina është në javën e saj të tretë të luftës me Rusinë, në përpjekje për të mbrojtur vendin e saj.
Putin, presidenti rus mban në “kurriz” përgjegjësinë e viktimave, bombardimeve dhe tmerreve të luftës.
Tashmë simboli i luftës dhe destabilitetit, Putin, më përpara ka qenë i nominuar 2 herë për çmimin “Nobel të Paqes”.
Presidenti rus u nominua fillimisht në vitin 2014. Motivi ishte roli që luajti në konfliktin e Sirisë. Atë vit, fituesit ishin aktivistja indiane Kailash Satyarthi dhe aktivistja pakistaneze Malala Yousafzai.
Nominimi tjetër erdhi në vitin 2021, kësaj radhe për ndihmat që u dërgoi 30 shteteve, kontributit për paqen dhe përfshirjen e fjalës “Zot” në Kushtetutën e Rusisë. Fituesi atë vit ishte gazetari rus, Dmitri Muratov.
Sot, një vit më pas nominimit për Nobel të Paqes, Vladimir Putin është quajtur për herë të parë “kriminel lufte” nga Presidenti i Shteteve të Bashkuara të Amerikës, Joe Biden. Kjo ishte një frazë të cilën administrata amerikane ishte shmangur disa herë ta përdorte.
Theksojmë së deklarata e fortë e presidentit Biden erdhi gjatë një bisede me gazetarët, në një event që u mbajt në Shtëpinë e Bardhë.
Ndërkohë presidenti rus, Putin nuk ndryshon qëndrim lidhur me sulmet në Ukrainë duke i quajtur ato një operacion special.
Referuar luftës në Ukrainë, ai është shprehur: Operacioni po shkon mirë, Prania e trupave tanë pranë Kievit nuk do të thotë se ne duam të pushtojmë Ukrainën.
