Teeksa janë publikuar pamjet e një takimi të fshehtë midis Taulant Ballës dhe Lulzim Bashës, Ish-deputeti demokrat, Myslim Murrizi shprehet se qëllimi ka qenë një Pazar politik. Në një intervistë me Çim Pekën, Murrizi shtoi se çdo akuzë që ata kanë bërë për njëri-tjetrin është harruar pas takimit mes tyre dhe marrëveshjeve të arritura. Ish-deputeti më tej ngriti pyetjen se si ndihen tani ndërkombëtarët që janë prerë në besë nga marrëveshja mes qeverisë dhe Lulzim Bashës.
“Besoj se ka qenë dekonspirim kontigjentesh, do i them këtij për inatin e këtij që ta thotë në Parlament, që ata të lajmërohen që të mos shkojnë të marrin ngarkesën se do të kapen nga policia. Si ndjehen ndërkombëtarët që janë prerë në besë, janë shitur. Unë isha aty kur e tha, doli Balla në replikë dhe ka lënë një dosje aty kur ka denoncuar 20 mln euro km në Unazë dhe i ka lënë dosjen e makinës 111 EN, të Benzit dhe i ka thënë Lulzim kur të vish këtu ja ku e ke dosjen e plotë të asaj firmës që përmende dhe anatemon për tenderin, Victoria Invest, që makina që i hipën ti është në pronësi të atij”, është shprehur Myslim Murrizi lidhur me takimin e Bashes me Ballen.
