Sulmi ndaj kreut të Partisë Demokratike është tema e diskutimit në media dhe jo vetëm. Kandidati i PD-së, për bashkinë e Tiranës, Belind Këlliçi përmes një postimi në rrjetet sociale, Këlliçi shkruan se të gjitha faktet që disponojnë dhe të gjitha burimet që përcjellin informacion në Partinë Demokratike, të çojnë vetëm tek një emër, ai i kryeministrit Edi Rama.
Sipas Këlliçit, sulmi me grusht ndaj Berishës është orkestruar me synimin për të shpërfytyruar opozitën në një kundër-reagim agresiv, për të gjeneruar dhunë në një protestë paqësore.
Gjithashtu ndër të tjera Këlliçi bën me dije se PD nuk do i shkojë pas fijes, Ramës, dhe do të vazhdojnë me protestat.
“Nga të gjithë faktet që disponojmë dhe të gjitha burimet që përcjellin informacion në Partinë Demokratike, të shpien në një emër: Edi Rama! Sulmi ndaj Sali Berishës është orkestruar me synimin për të shpërfytyruar opozitën në një kundër-reagim agresiv, për të gjeneruar dhunë në një protestë paqësore. Opozita shqiptare dhe Sali Berisha nuk i shkuan pas fillit këtij skenari, duke i hequr Ramës mundësinë për të bërë kurban opozitën në sy të ndërkombëtarëve. Opozita nuk bie knock out. Protestat do të vazhdojnë”, ka shkraujtur kandidati për Bashkinë e Tiranës Belind Këlliçi
