Një stuhi e fuqishme që ka goditur Spanjën, pritet që të vijë edhe në rajonin e Ballkanit.
Stuhia “Filomena” ka shkaktuar sasi të mëdha dëbore në pjesë të ndryshme të Spanjës, ndërsa gati gjysma e vendit ndodhet në alarm të kuq.
Siç ka deklaruar ministri i Brendshëm spanjoll, Fernando Grande-Marlaska vendi po përballet me “stuhinë më të fortë në 50 vitet e fundit”.
Deri tani janë raportuar 4 persona që kanë humbur jetën si pasojë e stuhisë.
Mediat ndërkombëtare shkruajnë se dy persona u gjetën të ngrirë për vdekje dhe dy persona që udhëtonin në një makinë u morën me vete nga përmbytjet pranë qytetit jugor të Malaga.
Aeroporti i qytetit Barajas është mbyllur, së bashku me një numër rrugësh, dhe të gjitha trenat nga Madridi janë anuluar.
Sipas raportimit nga gjiganti mediatik britanik, BBC, stuhia me reshje të shumta shiu dhe dëbore do të përfshijnë kryesisht Shqipërinë dhe Greqinë, por gjithashtu edhe vende të tjera në rajon.
Kujtojmë se tashmë prej disa ditësh vendi po përballet me reshje intensive, të cilat kanë shkaktuar përmbytje në shumë zona. Si pasojë shumë lumenj kanë dalë nga shtrati dhe kanë përmbytur shumë hektarë tokë përreth. Po ashtu disa akse rrugore janë bllokuar për shkak të përmbytjeve dhe motit të keq..Gazetareforma.com/
