Një grup studentësh ka zhvilluar një protestë në hyrje të Qytetit Studenti, pranë godinës “Liria”, duke kërkuar zbatimin e plotë të Paktit për Universitetin.
Ata shprehin shqetësimin e tyre për moszbatimin e shumicës së pikave të këtij pakti, dhe kërkojnë rritjen e buxhetit për arsimin në 5%. Po ashtu, studentët kërkojnë transparencë të plotë nga Ministria e Arsimit dhe Sportit për menaxhimin e fondeve.
Në kërkesat e tyre përfshihet edhe rishikimi i titujve akademikë dhe rritja e peshës së votës në zgjedhjet universitare. Protestuesit mbajnë pankarta dhe bëjnë thirrje për realizimin e angazhimeve të marra.
