SPAK ka shpallur zyrtarisht të pandehur kryebashkiakun e Kolonjës, Erion Isai, nën dyshimet për shkelje të barazisë në tendera dhe ankande publike. Vendimi është marrë këtë të mërkurë, pas hetimeve që po zhvillohen mbi procedurat e ndjekura në disa tenderë të zhvilluar nga bashkia.
Burime konfirmojnë se Isai është marrë dy herë në pyetje nga prokurorët e posaçëm gjatë kësaj periudhe. Përveç tij, në hetim janë përfshirë edhe gjashtë zyrtarë të tjerë të Bashkisë së Kolonjës, të cilët dyshohet se kanë bashkëpunuar në shkeljet e pretenduara.
Fokusi i hetimeve lidhet me mënyrën e organizimit dhe dhënies së kontratave publike, ku dyshohet se janë konstatuar favorizime dhe parregullsi që kanë cenuar konkurrencën.
SPAK pritet të bëjë publik në ditët në vijim një njoftim zyrtar për akuzat e ngritura dhe për fazën aktuale të procesit hetimor.
